ShQO-da qar qursaýynda qalǵan 5 adam evakýatsııalandy
ÓSKEMEN. QazAqparat – Shyǵys Qazaqstan oblysy Shemonaıha aýdanyndaǵy tasjolda qar qursaýynda qalǵan 5 adam evakýatsııalandy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 11 qańtarda túngi saǵat 01.00 shamasynda Ýbınka aýylynan 10 shaqyrym jerde «Land Krýzer Prado» kóligi omby qarǵa batyp qalǵan.
Habar túsken soń oqıǵa ornyna Shemonaıha aýdandyq TJB-nyń qutqarýshylary kelip jetti. Jergilikti sharýa qojalyqtarynyń eki traktorynyń arqasynda kólik qardan shyǵarylyp, 3 jolaýshysymen birge sol mańdaǵy aýyldardyń birine jetkizilgen.
Sonymen qatar tańǵy saǵat 05.50 shamasynda Jarma aýdanyndaǵy «Óskemen-Almaty» tasjolynyń 70-shi shaqyrymynda «BMW» kóligine kómek kórsetildi. Onyń ishinde 2 jolaýshy bolǵan. Anyqtalǵandaı, kólik jolda kele jatyp synyp qalǵan.
Aıta keteıik, osyǵan deıin oblystyq TJD jel jyldamdyǵy sekýndyna 15-25 metrge deıin jetetinin habarlaǵan bolatyn.
