ShQO-da qar qursaýynda qalǵan 4 adam qutqaryldy
ÓSKEMEN. QazAqparat – Shyǵys Qazaqstan oblysynda qar qursaýynda qalǵan 4 adam qutqaryldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 15 aqpanda saǵat 20.30 shamasynda Aıagóz qalasynan 15 shaqyrym jerde aýa raıynyń qolaısyzdyǵyna baılanysty jolda qalǵan avtokólikte 3 adam bolǵan.
Olar qutqarýshylardan kómek surady. TJD qyzmetkerleri tehnıkalyq aqaýy bar kólikti Aıagóz qalasyna jetkizdi. Azamattar medıtsınalyq kómekke muqtaj bolǵan joq.
«VAZ 2115» markaly avtokólik Jarma aýdany Borsyq aýylynan 4 shaqyrym jerde qar qursaýynda qalǵan. Belgili bolǵandaı, er adam qutqarýshylardyń eskertýine qaramastan, jalǵyz ózi Áýezov aýylynan Óskemen qalasyna qaraı bet alǵan.
«112» qyzmetine qońyraý shalǵan turǵynǵa departamenttiń jedel-qutqarý jasaǵynyń qyzmetkerleri kómekke keldi. Olar kóp uzamaı tros arqyly avtokólikti qardan shyǵaryp Óskemenge deıin jetkizdi», - delingen aqparatta.
