ShQO-da qar qursaýynda qalǵan 3 adam qutqaryldy
ÓSKEMEN. QazAqparat –Shyǵys Qazaqstan oblysy Tarbaǵataı aýdanynda qar qursaýynda qalǵan 3 adam qutqaryldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 6 aqpan kúni Tarbaǵataı aýdany Aqsýat aýylynan 33 shaqyrym jerde «Nıva» avtokóligi qarǵa batyp qalǵan. Kólik ishinde 3 adam otyrdy.
«Oqıǵa ornyna departament qyzmetkerleri arnaıy tehnıkamen shuǵyl kelip jetti. Avtokólik joldyń qardan tazartylǵan ýchaskesine súırep shyǵaryldy. Azamattarǵa medıtsınalyq kómek qajet bolǵan joq», - dep habarlady vedomstvo ókilderi.
Qutqarýshylarǵa alǵysyn jetkizgen aýdan turǵyndary ary qaraı saparyn jalǵastyrdy.
Osy rette, TJD mamandary qandaı da bir qıyndyqqa tap bolǵan óńir jurtshylyǵyna birden «112» nómirine qońyraý shalý qajettigin eskertedi.
