ShQO-da qar qursaýynda qalǵan 2 adam evakýatsııalandy
ÓSKEMEN. QazAqparat – Shyǵys Qazaqstan oblysynda qur qursaýynda qalǵan 2 adam evakýatsııalandy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 28 aqpanda Ulan aýdanyndaǵy «Bozanbaı-Ekaterınovka» tasjolynda kele jatqan «Mitsubishi» avtokóligi qarǵa batyp qalǵan. Kólik ishinde 2 adam boldy.
«Qutqarýshylar oqıǵa ornyna shuǵyl kelip jetti. Arnaıy tehnıkanyń kómegimen avtokólik qar qursaýynan shyǵarylǵan. Azamattarǵa medıtsınalyq kómek qajet bolǵan joq. Qaýipsizdik maqsatynda qutqarýshylar olardy jaqyn mańdaǵy aýylǵa deıin shyǵaryp tastady», - dep habarlady vedomstvo ókilderi.
Osy rette, TJD turǵyndarǵa alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes beredi.
