ShQO-da qar qursaýynda qalǵan 17 adam qutqaryldy
ÓSKEMEN. QazAqparat. Shyǵys Qazaqstan oblysynda qar qursaýynda qalǵan 17 adam qutqaryldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, óńir joldarynda apattyq-qutqarý jumystary túni boıy júrgizildi. Táýlik ishinde qutqarýshylar 8 kólikti jolǵa súırep shyǵarǵan.
«Kúrshim aýdanyndaǵy Malkovoe aýylynyń mańynda qar qursaýynda qalǵan balyqshylar qutqarýshylarǵa habarlasqan. Oqıǵa ornyna jol talǵamaıtyn kólikpen kelip jetken TJD qyzmetkerleri 17 adamdy evakýatsııalady», dep habarlady vedomstvo ókilderi.
Jol-kólik oqıǵasyna túskenderge da kómek kórsetildi. Óskemen qalasynan shyǵa beristegi Ahmer kentinde Vaz 21114 pen Lada Kalına kólikteri soqtyǵysqan. Sol jerge jetken qutqarýshylar Vaz-21114 kóliginen er adamdy alyp shyǵyp, jedel járdem dárigerlerine tapsyrdy.
«Azamattarǵa daýyldy eskertý týraly habarlama alǵanda eldi mekennen alys saparǵa shyqpaý qajettigin eskertemiz. Joldardyń jaı-kúıi týraly «Dármen« mobıldi qosymshasy arqyly bilip otyrýǵa bolady», - delingen aqparatta.
