ShQO-da qar qursaýynda qalǵan 16 júk kóliginiń júrgizýshileri evakýatsııalandy
ÓSKEMEN. QazAqparat – Shyǵys Qazaqstan oblysynda qar qursaýynda qalǵan 16 júk kóliginiń júrgizýshileri evakýatsııalandy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Zaısan aýdanynda qutqarýshylar jolda qalǵan júrgizýshilerge kómekke keldi.
«Omby-Maıqapshaǵaı» tasjolynyń Qaratal aýylyndaǵy ýchaskesinde 16 júk kóligi qar qursaýynda qalǵan. Júrgizýshiler qatty aıaz ben aýa-raıynyń qolaısyzdyǵyna qaramastan jolǵa shyqqan. Sol jerge №25 órt sóndirý bólimshesiniń qutqarýshylary kelip jetti. Olar er adamdardy jol talǵamaıtyn «KÝNG» kóligimen aýylǵa jetkizdi», - delingen aqparatta.
Júrgizýshilerdiń birine dáriger kómegi qajet boldy. Onyń qoly úsip qalǵan. Azamat jaqyn jerdegi medıtsınalyq mekemege jetkizildi.
Aıta keteıik, «Qazgıdromet» Shyǵys Qazaqstan oblysynda 42 gradýsqa deıin aıaz bolatynyn habarlady.
