ShQO-da elektr jelisin jóndeýge barǵan mamandar qar qursaýynda qaldy
ÓSKEMEN. KAZINFORM — Shyǵys Qazaqstan oblysynda qar qursaýynda qalǵan 7 energetıka mamany qutqaryldy.
ShQO Tótenshe jaǵdaılar departamenti baspasóz qyzmetiniń málimetine súıensek, Kúrshim aýdanyndaǵy Quıǵan aýyldyq okrýgine qarasty Tatarka ýchaskesinde elektr jelilerinde jumys istep júrgen energetıkalyq kompanııanyń 7 qyzmetkeri otyrǵan eki avtokólik qar qursaýynda qalǵan.
— Qutqarýshylar joǵary ótimdi arnaıy tehnıkamen oqıǵa ornyna jetip, qarǵa batyp qalǵan energetıkterdiń barlyǵyn jaqyn mańdaǵy eldi mekenge jetkizdi. Evakýatsııalanǵan azamattarǵa medıtsınalyq kómek qajet bolmady, — delingen aqparatta.
Osy rette, vedomstvo mamandary óńir jurtshylyǵyn qys mezgilinde jolǵa shyǵar aldynda aýa raıy jaǵdaıyn eskerip, daýyldy eskertýlerdi qadaǵalaýǵa jáne qutqarýshylardyń usynymdaryn saqtaýǵa shaqyrdy.
Eske salsaq, osyǵan deıin Astanada qutqarýshylar 30 metr bıiktiktegi kópirden er adamdy qutqarǵany habarlanǵan.
