ShQO-da qar kúreıtin aýyr tehnıkany tankimen súırep shyǵardy
ULAN AÝDANY. QazAqparat - 12 naýryzda Ulan aýdanyna jaqyn mańdaǵy Bozanbaı kentinen 7 shaqyrym jerdegi «Bozanbaı-Ulan» tasjolynda júk tıegish qar qursaýynda qaldy, dep habarlaıdy QazAqparat ShQO Tótenshe jaǵdaılar departamentine silteme jasap.
«Oqıǵa ornyna jol tańdamaıtyn tehnıkamen, jeńil brondi shaǵyn tankimen kelgen qutqarýshylar tasjoldyń tazartylǵan ýchaskesinde qar qursaýynan 2 jolaýshysy bar frontaldy tıegishti súırep shyǵardy. Azamattar medıtsınalyq kómekke muqtaj bolmady», delingen habarlamada.
Qutqarýshylar sondaı-aq 12-14 naýryz aralyǵynda Shyǵys Qazaqstan oblysynda qatty boran soǵatynyn eskertti. Óńirde qalyń qar jaýyp, kóktaıǵaq bolady.
Oblystyq TJD azamattarǵa aýa raıyna baılanysty eskertý jarııalanǵanda eldi mekennen shyqpaýǵa, aýa raıy men joldaǵy jaǵdaıy týraly «Dármen» mobıldi qosymshasynan qarap otyrýǵa keńes berdi.
