ShQO-da qar kóshkininiń túsirilýine baılanysty taǵy da jol jabylady

ÓSKEMEN. KAZINFORM – Shyǵys Qazaqstan oblysynda jasandy jolmen qar kóshkininiń túsirilýine baılanysty taǵy da jol jabylady.  

ShQO Tótenshe jaǵdaılar departamenti baspasóz qyzmetiniń málimetine súıensek, 19 jeltoqsanda saǵat 9:00-de «Qazseldenqorǵaý» mekemesiniń qyzmetkerleri profılaktıkalyq maqsatta qar kóshkinin túsiredi.

– Soǵan baılanysty oblystyq mańyzy bar Óskemen-Taýly Úlbi-Soltústik tasjolynyń 30-37 shaqyrymynda kóliktiń barlyq túri úshin qozǵalysqa tyıym salynady. Joldyń naqty qashan ashylatyny ázirge belgisiz, - delingen aqparatta.

Osy rette, qutqarýshylar óńir jurtshylyǵyna joldardyń jaı-kúıin «Dármen» mobıldi qosymshasy arqyly bilip otyrýǵa keńes berdi. 

Eske salsaq, osyǵan deıin Shyǵys Qazaqstan oblysynda jasandy jolmen qar kóshkini túsirilgeni habarlanǵan.