ShQO-da qar kóshkini qaýpine baılanysty tasjoldardyń biri jabyldy

ÓSKEMEN. KAZINFORM – Shyǵys Qazaqstan oblysyndaǵy tasjoldardyń birinde kóliktiń barlyq túrine qozǵalysqa tyıym salyndy.

ShQO Tótenshe jaǵdaılar departamenti baspasóz qyzmetiniń málimetine súıensek, óńirdegi tasjoldardyń birine qar kóshkini túsýi yqtımal.

- Katonqaraǵaı aýdanyndaǵy jergilikti mańyzy bar «Sogornoe-Barlyq» tasjolynyń 1-25 shaqyrymynda 25 naýryz saǵat 08.00-ge deıin avtokóliktiń barlyq túri úshin qozǵalys jabyldy. Sondyqtan kólik júrgizýshilerinen óz baǵyttaryn aldyn ala josparlap alýdy suraımyz, - delingen aqparatta.

Osy rette, qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldik qosymshasy arqyly tekserip otyrýǵa keńes berdi.

Eske salsaq, buǵan deıin erigen qar sýynyń saldarynan 3 oblysta jol jabylǵany habarlanǵan.