ShQO-da qar kóshkini qaýpine baılanysty taǵy da jol jabyldy

ÓSKEMEN. KAZINFORM – Shyǵys Qazaqstan oblysynda qar kóshkini qaýpine baılanysty joldardyń biri jabyldy.

22 qańtar saǵat 15.00-den bastap 23 aqpan saǵat 08.00-ge deıin Katonqaraǵaı aýdanyndaǵy jergilikti mańyzy bar «Sogornoe-Barlyq» tasjolynyń 1-25 shaqyrymynda avtokóliktiń barlyq túri úshin qozǵalys toqtady. Bul jol búgin tańerteń ǵana ashylǵan bolatyn.

- Sebebi bul jolda qar kóshkini qaýpi áli de joǵary bolyp tur. Kólik júrgizýshilerinen óz baǵyttaryn aldyn ala josparlap alýdy suraımyz. Alys saparǵa shyǵar aldynda joldardyń jaı-kúıin «Dármen» mobıldik qosymshasy arqyly tekserip otyrǵan jón, - dep habarlady ShQO tótenshe jaǵdaılar departamentiniń baspasóz qyzmeti.

Eske salsaq, osyǵan deıin ShQO taýly jerlerinde qar kóshkini qaýpi joǵary bolyp turǵany habarlanǵan.