ShQO-da qar kóshkininen «Óskemen-Altaı» trassasy jabyldy
ÓSKEMEN. QazAqparat – Shyǵys Qazaqstan oblysynda jasandy jolmen qar kóshkini túsirildi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, óńirde kesheli beri toqtaýsyz qar jaýyp, taýly aımaqtarda kóshkin júrý qaýpi arta túsken. Osyǵan oraı 3 naýryzda keshke qaraı «Óskemen-Tarǵyn-Samar» jáne «Óskemen-Taýly Úlbi-Severnoe» tasjoldary jabyldy.
«Qazseldenqorǵaý» ShQOF mamandary «Óskemen-Altaı» tasjolynda jasandy jolmen qar kóshkinin túsirdi. Onǵa jýyq ýchaskeden 275 myń tekshe metr qar túsip, joldy túgel jaýyp qalǵan. Qazirgi ýaqytta joldy ashý jumystary júrgizilýde», - dep habarlady vedomstvo ókilderi.
Esterińizge sala ketsek, osyǵan deıin Shyǵys Qazaqstan oblysynda 7 naýryzǵa deıin kóshkin júrý qaýpi saqtalatyndyǵyn habarlaǵan bolatynbyz.
