ShQO-da qar kóshkinine baılanysty joldardyń biri jabylady

ÓSKEMEN. QazAqparat – Shyǵys Qazaqstan oblysynda jasandy jolmen qar kóshkini túsirilýine oraı joldardyń biri jabylady, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, óńirde qutqarýshylar profılaktıkalyq maqsatta qar kóshkinin túsiredi.

«2 jeltoqsan kúni saǵat 11.00-den bastap jasandy jolmen qar kóshkinin túsirýge baılanysty «Óskemen-Taýly Úlbi-Soltústik» tasjoly kóliktiń barlyq túrine jabyq bolady», - dep habarlady vedomstvo ókilderi.

Osy rette departament mamandary oblys turǵyndaryna qolaısyz aýa raıynda alys saparǵa shyqpaýǵa, joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi.