ShQO-da qar kóshkini júrýine baılanysty joldardyń biri jabylady
ÓSKEMEN. QazAqparat – Shyǵys Qazaqstan oblysynda jasandy jolmen qar kóshkini túsirilýine baılanysty joldardyń biri jabylady, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, óńirde qutqarýshylar profılaktıkalyq maqsatta qar kóshkinin túsirmek.
«1 jeltoqsan kúni saǵat 11-00-de jasandy jolmen qar kóshkinin túsirýge baılanysty Óskemen-Altaı-Katonqaraǵaı-Rahman qaınarlary tasjolynyń 58-66 shaqyrymynda (Ýshanovskoe aýyly men Serebrıansk qalasynyń aralyǵy) kóliktiń barlyq túrine jabyq bolady», - dep habarlady vedomstvo ókilderi.
Osy rette departament mamandary oblys turǵyndaryna qolaısyz aýa raıynda alys saparǵa shyqpaýǵa, joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi.
