ShQO-da qar kóshkini júrý qaýpine baılanysty jol jabyldy
ÓSKEMEN. QazAqparat – Shyǵys Qazaqstan oblysynda qar kóshkini júrý qaýpine baılanysty jol jabyldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, búgin saǵat 20-00-den bastap qar kóshkini júrý qaýpine baılanysty Óskemennen Serebrıansk qalasyna deıingi aralyqtaǵy respýblıkalyq mańyzy bar tasjol jabyldy. Atalǵan ýchaskede kóliktiń barlyq túri úshin qozǵalysqa tyıym salynǵan.
«Óńir aýmaǵynda qar kóshkini qaýpi 17 aqpanǵa deıin saqtalady. Turǵyndarǵa alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes beremiz», - delingen aqparatta.
Esterińizge sala ketsek, osyǵan deıin Shyǵys Qazaqstandaǵy «Altaı-Maleevsk-Pýtıntsevo» jolynda eki ret kóshkin júrgeni habarlanǵan bolatyn.
