ShQO-da qar kóshkini júrip, bir týrıst qaza boldy
NUR-SULTAN. QazAqparat - 10 aqpanda óskemendik alty saıahatshy Rıdder qalasynda Úlbi ózeniniń mańaıyndaǵy Serjıha taýynda qarda syrǵanap júrgen. Kenetten taýdan kóshkin júrip ketip, olardyń birin qar basyp qalǵan, dep habarlaıdy ShQO TJD baspasóz qyzmeti.
«Dereý kómekke ShQO TJD Jedel qutqarý jasaǵynyń qutqarýshylar toby kınologııalyq eseppen birge Evrokopter-145 tikushaǵymen shyqty, quramynda 5 adam bar ekinshi top jol talǵamaıtyn kólikpen Óskemennen shyqty, oǵan qosa Rıdder qalasynan qutqarýshylar men 4 volonter qarda júrgishpen qosymsha jumyldyryldy», - dedi Qazaqstan Respýblıkasy Tótenshe jaǵdaılar mınıstrliginiń resmı ókili Talǵat Ýálı.
16:23-te tikushaq kúnniń bultty bolýy men kózge túrtkisiz tútek borannan jerge qonýǵa májbúr boldy. Osy ýaqytta saıahatshylar baılanysqa shyǵyp, qar astynda qalǵan 1979 jyly týǵan er adamnyń denesin alyp shyqqanyn habarlady. Saıahatshylar turǵan oryndarynyń naqty koordınattaryn berip, ol jerge qutqarýshylar men volonterler qarda júretin tehnıkamen jetti.
11 aqpanda 8 volonter, 2 qutqarýshy jáne 1 krımınallyq polıtsııa sarapshydan turatyn top, sonymen qatar 3 saıahatshy qaza bolǵan adamnyń denesin taýdan túsirdi.
Aıta keteıik, ShQO TJD qutqarýshylary birneshe kún qatarynan turǵyndarǵa aldyn ala taýdaǵy kóshkin qaýpi týraly eskertý jasaǵan bolatyn.
