ShQO-da qar kóshkini túsirildi
ÓSKEMEN. QazAqparat – Shyǵys Qazaqstan oblysynda jasandy jolmen qar kóshkini túsirildi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, kúnniń kúrt jylytyp, jeldiń kúsheıýine oraı óńirdiń taýly jerlerinde qar kóshkini júrý qaýpi artqan. Soǵan oraı «Qazseldenqorǵaý» ShQ fılıalynyń qyzmetkerleri profılaktıkalyq kóshkin túsirý jumystaryn júrgizdi.
- «Óskemen-Samar» tasjolynda jasandy jolmen kóshkin júrgizildi. Nátıjesinde 13 170 tekshe metr qar túsirilgen.
Jalpy qystyń basynan beri oblysta 85 ret profılaktıkalyq qar kóshkini túsirildi, - dep habarlady vedomstvo ókilderi.
Osy rette, departament mamandary óńir jurtshylyǵyn taýly jerlerge barmaýǵa shaqyrdy.
