ShQO-da qar kóshkini qaýpine baılanysty jol jabylady

ÓSKEMEN. QazAqparat – Shyǵys Qazaqstan oblysynda qar kóshkini júrý qaýpine baılanysty tasjoldardyń biri jabylady, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, óńirdegi tasjoldardyń birine qar kóshkini túsýi yqtımal.

«Búgin saǵat 19.00-den bastap respýblıkalyq mańyzy bar «Óskemen - Altaı - Úlken Naryn - Katonqaraǵaı - Rahman qaınarlary» tasjolynyń 6-166 shaqyrymynda (Ýshanov aýyly men Altaı qalasynyń aralyǵy) kóliktiń barlyq túri úshin qozǵalysqa tyıym salynady», - delingen aqparatta.

Osy rette, qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldik qosymshasy arqyly tekserip otyrýǵa keńes berdi.

Eske salsaq, osyǵan deıin «Qazseldenqorǵaý» ShQOF ókilderi Shyǵys Qazaqstan oblysynda taý arasynda avtobýs tap bolǵan oqıǵaǵa túsinik bergeni habarlanǵan edi.