ShQO-da qar kóshkini qaýpine baılanysty jabylǵan jol qaıta ashyldy

ÓSKEMEN. QazAqparat – Shyǵys Qazaqstan oblysynda qar kóshkini qaýpine baılanysty jabylǵan jol qaıta ashyldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, qar kóshkini qaýpine baılanysty jabylǵan jol qaıta ashyldy.

«Respýblıkalyq mańyzy bar «Óskemen-Altaı-Úlken Naryn-Katonqaraǵaı- Rahman qaınarlary» tasjolynyń 6-166 shaqyrymynda (Ýshanov aýyly men Altaı qalasynyń aralyǵy) kóliktiń barlyq túri úshin qozǵalysqa ruqsat etildi», - delingen aqparatta.

Osy rette, qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldik qosymshasy arqyly tekserip otyrýǵa keńes berdi.

Eske salsaq, osyǵan deıin «Qazseldenqorǵaý» ShQOF ókilderi Shyǵys Qazaqstan oblysynda taý arasynda avtobýs tap bolǵan oqıǵaǵa túsinik bergeni habarlanǵan edi.