ShQO-da qar kóshkini qaýpine baılanysty respýblıkalyq jol jabyldy
ÓSKEMEN. QazAqparat – Shyǵys Qazaqstan oblysynda qar kóshkini júrý qaýpine oraı jol jabyldy, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, óńirdegi tasjoldardyń birin qar kóshkini jaýyp qalýy múmkin.
«Respýblıkalyq mańyzy bar «Óskemen-Altaı-Úlken Naryn-Katonqaraǵaı-Rahman qaınary» tasjolynyń 6-166 shaqyrymynda (Ýshanov aýyly men Altaı qalasynyń aralyǵy) kóliktiń barlyq túrleri úshin qozǵalysqa tyıym salyndy», - delingen aqparatta.
Osy rette, qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi.
