ShQO-da qar kóshkini qaýpine baılanysty eki jol jabylady

ÓSKEMEN. QazAqparat – Shyǵys Qazaqstan oblysynda kún raıyna baılanysty tasjoldar jabylady, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, qar kóshkini júrý qaýpine baılanysty óńirdegi eki jol jabylady.

«Óskemen men Serebrıansk qalalarynyń arasyndaǵy tasjolda jáne «Óskemen-Altaı-Katonqaraǵaı-Rahman qaınarlary» tasjolynyń 6-66 shaqyrymynda búgin saǵat 20.00-den bastap 22 jeltoqsan saǵat 6.00-ge deıin avtokóliktiń barlyq túri úshin qozǵalysqa tyıym salynady. Óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes beremiz», - dep habarlady vedomstvo ókilderi.

Eske salsaq, 15 jeltoqsan kúni «Óskemen-Taýly Úlbi-Soltústik» tasjolynda qar kóshkini túsirilgen bolatyn.