ShQO-da qar erip, sý deńgeıi kóterile bastady
ÓSKEMEN. QazAqparat – Shyǵys Qazaqstan oblysynda qar erip, sý deńgeıi kóterile bastady. Bul týraly búgin Shyǵys Qazaqstan oblysynyń aqparattyq ortalyǵy bazasynda oblystyq TJD bastyǵynyń orynbasary Qanat Ábdilov málim etti, dep habarlaıdy QazAqparat.
Qanat Ábdilovtyń aıtýynsha, oblys aýmaǵynda qar erip jatyr. Aımaqtyń qar basyp jatqan aýmaǵy 33% quraıdy. Topyraqtyń joǵarǵy qabatynyń erýi baıqalady. Rıdder qalasynda, Katonqaraǵaı, Borodýlıha aýdandarynda qar jamylǵysynyń bıiktigi 50 sm-den aspaıdy, tek Altaı aýdanynda 71 sm. Ózenderdiń ashylýy jáne sý deńgeıiniń kóterilýi baıqalady. Sýdyń shekti deńgeılerden asyp ketýi baıqalmaıdy.
Onyń sózinshe, ShQO Tótenshe jaǵdaılar departamenti 8 ret aerovızýaldy tekserý júrgizdi. Oblys sý tasqynyna daıyndyq joǵary deńgeıde, jedel shtabtar qurylǵan. Sý tasqynyna qarsy is-sharalardyń oblystyq jospary iske asyrylýda, qar shyǵarý, avtomobıl jáne temir joldardaǵy sý ótkizý qurylystaryn, kópirlerdi, aryqtar men arnalardy tazartý boıynsha jumystar júrgizilýde. Shuǵyl shyǵyndarǵa jáne tótenshe jaǵdaılardy joıýǵa qarajat kózdelgen. 2412 birlik tehnıka, 379 motopompa men 106 evakopýnkt daıyndyqqa keltirildi.
ShQO tótenshe jaǵdaılar departamentiniń jumyldyrý daıyndyǵy basqarmasynyń basshysy Eldos Chıkenovtiń málimetinshe, zardap shekken halyqty qabyldaýdyń barlyq pýnktterine tekserý júrgizilgen, ýaqytsha bolý, tamaqtaný úshin jaǵdaılar jasalǵan, sanıtarlyq-turmystyq jaǵdaılar jasalyp, ystyq tamaqpen qamtamasyz etýge, evakýatsııalyq is-sharalardy ótkizý úshin kólikti tartýǵa nıet-sharttar jasalǵan.
Oblys ákiminiń tapsyrmasy boıynsha sý tasqyny bolýy yqtmıal 4 aýdanda (Altaı, Glýbokoe, Katonqaraǵaı, Besqaraǵaı) úshin qosymsha rezerv qurylǵan. Onda sý aıdaý qurylǵylarynyń sanyn 2 esege jáne adam resýrstaryn 50% - ǵa ulǵaıtý kózdelgen.
«Semeı qalasyndaǵy Ertis, Buqtyrma, Ýba, Kúrshim ózenderindegi, Altaı aýdanyndaǵy, Kúrshim, Borodýlıha, Shemonaıha, Katonqaraǵaı aýdandaryndaǵy barlyq 19 keptelis qaýpi bar ýchaskelerde jalpy alańy 180 myń sharshy metrden astam profılaktıkalyq jarylys jumystary júrgizildi, 9,5 tonnadan astam jarylǵysh zattar paıdalanyldy»,- dep atap ótti ShQO TJD bastyǵynyń orynbasary Qanat Ábdilov.
Tótenshe jaǵdaılar mınıstriniń ókimi boıynsha oblystyń sý tasqyny qaýpi bar Altaı men Kókpekti aýdanyna QR TJM №52859 áskerı bóliminiń jeke quramynan 50 adam, 8 birlik tehnıka, 4 júzý quraly jáne 10 jyljymaly motopompa jiberilgen.
QR TJM 52859 áskerı bóliminiń jeke quramy sý tasqyny kezindegi is-qımyl tártibi týraly halyqqa túsindirý jumystaryn júrgizýde. Sondaı-aq 5360 metr aryqtar men sý burý kanaldaryn, 38 metr sý ótkizý qurylystaryn tazalaý jumystary uıymdastyryldy, 38 qart jáne jalǵyz basty turǵyndardyń úı mańyndaǵy aýmaqtaryn tazartý, sondaı-aq ınertti materıaly bar 2320 qap daıyndaldy, 200 dana qap tóseldi, muzdyń qalyńdyǵy 1,5 metrdi quraıtyn uzyndyǵy 45 metr muz kesildi.
ShQO Tótenshe jaǵdaılar departamentiniń daǵdarys zalynda 20 naýryzdan bastap oblystyq sý tasqynyna qarsy jedel shtab jumys isteıdi, ol árbir sý tasqyny qaýpi bar ýchaskege aqparat jınaýdy, óńdeýdi jáne taldaýdy júzege asyrady.
«Qazgıdromet» RMK Shyǵys Qazaqstan oblysy boıynsha fılıaly ókilderiniń málimetinshe, 2021 jyldyń 15-30 sáýiri aralyǵynda kún qubylmaly bolady. Túnde keı jerlerde jańbyr, qar jaýady, kúndiz keı jerlerde jańbyr jaýady, jeldiń jyldamdyǵy sekýndyna 15-20 metrge deıin kúsheıedi. Túnde aýa temperatýrasynyń aýytqýy 0-5° - dan 2-7 ° - ǵa deıin, kúndiz 18-23° - dan 5-10 ° - ǵa deıin bolady.
