ShQO-da qantty kóterme baǵamen ótkizýshilerge aıyppul salyndy
ASTANA. QazAqparat - «Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý jáne básekelestikti qorǵaý komıtetiniń Shyǵys Qazaqstan oblysy boıynsha departamenti» RMM Óskemen jáne Semeı qalalarynda qantty kóterme saýda arqyly ótkizýshilerge qatysty tergeýdi aıaqtady.
Tergeý nátıjeleri boıynsha «Erke-M» JShS, «Óskemen Qant» JShS, «Antonenko I.V.» JK, «Bokov K.G.» JK - qatysty, Semeı qalasynda - «Aq suńqar Semeı» JShS, «Spýtnık» Halyqaralyq týrızm» JShS, «Raımova A.K.» JK, «Ermekova J.K.» JK-ǵa qatysty ákimshilik ister qozǵaldy jáne aýmaqtylyǵy boıynsha sáıkes mamandandyrylǵan sottar qaraýyna tapsyryldy:
Óskemen qalasynyń Mamandandyrylǵan ákimshilik soty ákimshilik isterdi qarap, monopolııalyq tabysty tárkileý jáne aıyppuldar salý úkimin shyǵardy.
Atap aıtqanda, «Bokov K.G.» Jeke kásipkerligine - 49 004 teńge monopolııalyq tabysty tárkileýmen 43 355 teńge mólsherindegi aıyppul;
- «Antonenko I.V.» JK - 213 973 teńge monopolııalyq tabysty tárkileýmen 273 378 teńge mólsherindegi aıyppul;
- «Óskemen Qant» JShS - 553 419 teńge monopolııalyq tabysty tárkileýmen 350 273 teńge mólsherindegi aıyppul;
- «Erke-M» JShS - 487 545 teńge monopolııalyq tabysty tárkileýmen 560 841 teńge mólsherindegi aıyppul salyndy.
Semeı qalasy boıynsha ákimshilik ister Mamandandyrylǵan ákimshilik sot qaraýynda.
