ShQO-da Qańtar oqıǵasynda qaza bolǵan áskerılerge qurmet kórsetildi
QR Ulttyq ulany «Shyǵys» óńirlik qolbasshylyǵyna qarasty barlyq áskerı bólimde «Máńgilik sapta» atty bir kúndik eske alý sharasy ótti. Ulandyqtar Qańtar oqıǵasy kezinde qaza bolǵan áskerıler men quqyq qorǵaý organdary qyzmetkerlerine qurmet kórsetip, bir mınýt únsizdik jarııalady.
Osydan bir jyl buryn Ulttyq ulannyń qos sarbazy Madııar Qaısarov pen Aıbat Amanov jappaı tártipsizdik kezinde ózderiniń jaýyngerlik mindetterin oryndaý barysynda kóz jumǵan bolatyn. «Shyǵys» óńirlik qolbasshylyǵy basqarmasynyń jeke quramy aldynda sóz sóılegen UU Bas qolbasshysynyń tárbıe jáne áleýmettik-quqyqtyq jumystary jónindegi orynbasary Qaırat Úmbetov áskerılerdiń óz mindetin oryndaýǵa qashanda daıyn bolý kerektigin aıtty.
«Byltyr dál osy kúni halqymyzdyń basyna túsken qıyn-qystaý kezeńde Ulttyq ulan qyzmetkerleri ózderiniń tabandylyǵy men qaısarlyqtarynyń arqasynda taısalmas beriktigin kórsete bildi. Biz ár áskerıler ózimizdiń jaýyngerlik mindetimizdi oryndaýǵa qashanda daıyn bolýymyz kerek! Ol úshin árqaısyńyz batyl ári tabandy, jurtymyzdyń tynyshtyǵy men qaýipsizdigi jolynda ózin qurban etýge ázir bolýy tıis!», - dedi ol.
Foto: QR UU «Shyǵys» óńirlik qolbasshylyǵynyń baspasóz qyzmeti