ShQO-da qańǵybas ıtter qarııany talap tastaı jazdady
ÓSKEMEN. QazAqparat – Shyǵys Qazaqstan oblysy Úrjar aýdanynda polıtsııa qyzmetkerleri qarııany qańǵybas ıtterden qutqardy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, Úrjar aýylynyń egde jastaǵy turǵyny 8 sáýir kúni saǵat 14.30-da úıinen dúkenge shyqqan. Jol jónekeı qarııa artqy jaǵynan ıtterdiń úrgen daýysyn estidi. Biraq oǵan esh mán bermegen.
«Kenet tutqıyldan qańǵybas ıtterdiń biri zeınetkerge aıbat shegip, úrip, ústine sekirgen. Ol ıtti ıterip, tas laqtyrǵan. Alaıda budan seskene qoımaǵan ıtter qart kisige qaıtadan tap bermek boldy. Dál sol ýaqytta Úrjar aýylynda kúndizgi patrýldeýde júrgen tártip saqshylary osyny kórip qalǵan. Polıtsııa qyzmetkerleri qyzmettik kólikterinen sıgnal berip, ıtterdi qýyp jiberdi. Abyroı bolǵanda, zeınetkerdiń densaýlyǵyna esh zııan kelmedi», - delingen habarlamada.
Aýdan turǵyny der kezinde kómekke kelgen polıtsııa qyzmetkerlerine kózine jas alyp, shynaıy rızashylyǵyn bildirdi.
