ShQO-da qamys órtendi

ASTANA. KAZINFORM - Shyǵys Qazaqstan oblysy Qabanbaı aýylynyń mańynda qamystyń jandy, dep habarlaıdy QR Tótenshe jaǵdaılar mınıstrliginiń baspasóz qyzmeti.

Órtti sóndirýge Shorǵa aýylynyń «Aýyl qutqarýshylary» kúshteri men jergilikti atqarýshy organdar jedel túrde jumyldyryldy. Órt 1 gektar alańda tolyqtaı sóndirildi. Ottyń jaqyn mańdaǵy aýmaqtarǵa taralýyna jol berilmedi.

Aýyldyq eldi mekenderde «Aýyl qutqarýshylarynyń» jumyldyrylýy olardyń tótenshe jaǵdaılarǵa den qoıý júıesindegi mańyzdy rólin aıqyndaıdy. Olardyń qatysýy oqıǵa ornyna jetý ýaqytyn edáýir qysqartyp, órtti bastapqy kezeńde tıimdi sóndirýge múmkindik beredi.

Osyǵan deıin TJM qutqarýshylarynyń Balqash kólinde qaýipsizdik sharalaryn kúsheıtkeni týraly jazdyq.