ShQO-da kámelet jasyna tolmaǵan balalarǵa ishimdik satqan 10 dúken anyqtaldy
ÓSKEMEN. QazAqparat – Shyǵys Qazaqstan oblysyda 21 jasqa tolmaǵandarǵa ishimdik satqan on dúken anyqtaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, polıtsııa qyzmetkerleri óńir aýmaǵynda «Túngi qaladaǵy balalar» jedel aldyn alý sharasyn júrgizdi.
Mundaǵy maqsat – balalardyń quqyqtaryn buzý faktilerin anyqtaý, kámelet jasyna tolmaǵandardy eńbekke tartý, balalardyń qadaǵalaýsyz jáne panasyz qalýynyń aldyn alý.
«Sharanyń 3 kúninde tártip saqshylary 1200 ret reıdke shyǵyp, 4000-nan asa obektini tekserdi. Sonyń nátıjesinde, tún ortasynda ata-anasynyń qaraýynsyz syrtta júrgen 468 bala anyqtalǵan. Jalpy sany 500-den astam adam ákimshilik jaýapkershilikke tartyldy. Onyń ishinde, 21 jasqa tolmaǵandarǵa alkogol ónimderin ótkizgen – 10 dúken satýshysy, kámelet jasyna tolmaǵandarǵa temeki buıymdaryn saýdalaǵan – 8 adam jáne bala tárbıeleý mindetterin durys atqarmaǵan 28 ata-ana nemese zańdy ókil aıyppul arqalady», - dep habarlady vedomstvo ókilderi.
Osy rette polıtsııa qyzmetkerleri ata-analarǵa balalaryn qaraýsyz qaldyrmaýǵa jáne olardyń tárbıesine kóńil bólýge shaqyrady.
