ShQO-da KamAZ ben Aýdıdiń soqtyǵysýy saldarynan 2 adam qaza taýyp, 4-ýi aýrýhanaǵa tústi
ASTANA. 5 qarasha. QazAqparat - Shyǵys Qazaqstan oblysynda KamAZ ben Aýdıdiń soqtyǵysýy saldarynan 2 adam qaza taýyp, 4-ýi aýrýhanaǵa jetkizildi,
dep habarlady QR TJM baspasóz qyzmetinen.
Vedomstvonyń atap ótýinshe, qaıǵyly oqıǵa keshe Shyǵys Qazaqstan oblysynyń Ulan aýdanynda oryn alǵan. «Óskemen-Semeı» avtojolynyń 75 shaqyrymynda KamAZ ben Aýdı kóligi soqtyǵysyp, jol-kólik oqıǵasy saldarynan jeńil kóliktiń eki jolaýshysy qaza tapqan. Sonymen qatar KamAZ júk kóliginiń 1 jolaýshysy men Aýdı kóliginiń 3 jolaýshysy túrli dene jaraqattarymen aýrýhanaǵa jetkizilgen.
