ShQO-da KamAZ aýdarylyp, bir adam kóz jumdy
ÓSKEMEN. KAZINFORM – Shyǵys Qazaqstan oblysyndaǵy tasjoldardyń birinde jol apatynan er adam qaza tapty.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy Óskemen-Rıdder tasjolynyń 42-shaqyrymynda bolǵan.
- 59 jastaǵy júrgizýshi basqarǵan KamAZ aýdarylyp ketti. Jol apaty saldarynan júk kóliginiń jolaýshysy alǵan jaraqattarynan oqıǵa ornynda kóz jumdy, - delingen aqparatta.
Atalǵan derek boıynsha sotqa deıingi tergeý amaldary júrgizilip jatyr. Birqatar saraptama taǵaıyndalyp, sonyń nátıjeleri boıynsha protsessýaldyq sheshim qabyldanady.
Eske salsaq, osyǵan deıin Shyǵys Qazaqstan oblysynda mototsıklmen aýdarylyp qalǵan er adam kóz jumǵany habarlanǵan.
