ShQO-da qala, aýyl arasynda qatynaıtyn 120 jańa avtobýs satyp alynady

ÓSKEMEN. QazAqparat – Shyǵys Qazaqstan oblysynda qala, aýyl arasynda qatynaıtyn 120 jańa avtobýs satyp alynady, dep habarlaıdy QazAqparat tilshisi.

ShQO jolaýshylar kóligi jáne avtomobıl joldary basqarmasynyń málimetine súıensek, óńir boıynsha avtobýstar 318 eldi mekenniń arasynda qatynaıdy.

Onyń ishinde 184 baǵyt áleýmettik mańyzy bar dep tanylǵan.

«Turǵyndar arasynan tasymaldaý sapasyna qatysty túsip jatatyn shaǵymdar az emes. Oblys boıynsha bólingen sýbsıdııalardyń arqasynda avtoparkti kezeń-kezeńimen jańartý jumystary júrgizilýde. Qazirdiń ózinde 30 jańa avtobýs satyp alynǵan», - deıdi basqarma basshysynyń orynbasary Aıjan Rahymbaeva.

Onyń aıtýynsha, jyl sońyna deıin birden jelige shyǵatyn taǵy 55 avtobýs satyp alý josparlanyp otyr.

Jalpy 2023 jylǵa deıin barlyǵy 120 qoǵamdyq kólik alynbaq.