ShQO-da qadaǵalaýsyz qalǵan jasóspirimder beıimdeý ortalyǵyna ornalastyryldy
ASTANA. KAZINFORM — Shyǵys Qazaqstan oblysynda kámeletke tolmaǵandar arasyndaǵy quqyq buzýshylyqtar men tótenshe jaǵdaılardyń aldyn alýǵa baǵyttalǵan «Nazar aýdaryńyz — balalar!» jedel-profılaktıkalyq is-sharasy jalǵasyp jatyr. Bul týraly ІІM baspasóz qyzmeti habarlady.
Alǵashqy úsh kúnniń qorytyndysy boıynsha polıtsııa qyzmetkerleri 183 reıdtik is-shara ótkizip, 128 ákimshilik quqyq buzýshylyqtyń jolyn kesti.
— Polıtsııa qyzmetkerleri múddeli memlekettik organdardyń ókilderimen birlesip júrgizgen reıdter barysynda quqyq buzýshylyqtardyń aldyn alýǵa, jasóspirimderdiń qaraýsyz jáne qadaǵalaýsyz qalýyna jol bermeýge, sondaı-aq olardyń qaýipsizdigine qater tóndirýi múmkin jaǵdaılardy anyqtaýǵa basymdyq berdi, — delingen aqparatta.
Profılaktıkalyq is-sharalar nátıjesinde ishki ister organdaryna 101 kámeletke tolmaǵan jetkizildi. Qaraýsyz jáne qadaǵalaýsyz qalǵan 8 jasóspirim kámeletke tolmaǵandardy beıimdeý ortalyǵyna ornalastyryldy.
Jalpy reıdtik is-sharalar barysynda 128 ákimshilik quqyq buzýshylyq anyqtalyp, olardyń joly kesildi.
Aıta keteıik, túngi ýaqytta balasynyń qaıda júrgenin baqylaýdy qamtamasyz etpegen 480-nen astam ata-ana jaýapkershilikke tartyldy.
