ShQO-da iz-túzsiz joǵalyp ketken zeınetker tabyldy
ÓSKEMEN. QazAqparat – Shyǵys Qazaqstan oblysy Altaı aýdanynda joǵalyp ketken zeınetker tabyldy, dep habarlaıdy QazAqparat tilshisi.
ShQO Polıtsııa departamenti baspaóz qyzmetiniń málimetine súıensek, Altaı aýdandyq polıtsııa bólimine 61 jastaǵy azamat habarlasqan. Óz sózinde ol týysynyń múlde habar-osharsyz ketkenin jetkizdi.
63 jastaǵy zeınetker keshki ýaqytta úıden shyǵyp ketip, sol kúıi qaıtyp oralmaǵan. 3 kún boıy tártip saqshylary zeınetkerdi izdestirdi.
«Polıtsııa qyzmetkerleri joǵalǵan adamdy tabý úshin jan-jaqty jedel-izdestirý sharalaryn júrgizdi. Sonyń nátıjesinde, qart kisiniń ornalasqan jeri anyqtaldy. Belgili bolǵandaı, ol týystarymen renjisip qalyp, qurbysynyń úıine ketip qalǵan. Qazirgi ýaqytta zeınetker úıine qaıtaryldy», - delingen aqparatta.
