ShQO-da ishki ister organdarynyń 70-ten astam qyzmetkeri marapattaldy
Mereke qarsańynda qylmystyq atqarý júıesiniń qyzmetkerkerleri men ishki ister organdarynyń ardagerleri marapattaldy. Saltanatty shara ShQO boıynsha QAJ departamentinde ótti.
«Batyrlar erliginiń aldynda basymyzdy ıemiz. Otanyn fashızmnen qorǵaǵan qazaqstandyqtardyń erligi - jastarǵa úlgi. Іshki ister organdary qyzmetkerleriniń negizgi mindeti – azamattardyń konstıtýtsııalyq quqyqtary men bostandyqtaryn qorǵaý. Erlikpen ótken burynǵy dáýirdiń dańqty dástúrlerin qasıetti túrde saqtap, el aldyndaǵy boryshty abyroımen atqara berińizder», - dedi Departament bastyǵy, ádilet polkovnıgi Janbolat Qaletaev.
«Qylmystyq-atqarý júıesin damytýǵa qosqan úlesi úshin» tósbelgileri ádilet podpolkovnıgi Qanat Zııanovqa, ádilet maıory Jasulan Bádenovke, ádilet kapıtany Merhat Ahmetjanovqa tabys etildi. Sondaı-aq, QAJ júıesiniń birqatar qyzmetkeri Qurmet gramotalarymen jáne Alǵys hattarmen marapattaldy.
Merekelik shara sońynda departament qyzmetkerleri patrıottyq ánder shyrqap, kontsert qoıdy.
Aıta ketsek, elordada minsiz qyzmetimen erekshelengen tártip saqshylary marapattalǵan bolatyn.
