ShQO-da ishki áýe reısteriniń sýbsıdııasy artady

ÓSKEMEN. QazAqparat - Óskemenge jumys saparymen kelgen Investıtsııa jáne damý mınıstri Jeńis Qasymbek Úrjarǵa qatynaıtyn áýe reısteriniń sýbsıdııasy artatynyn málimdedi, dep habarlaıdy QazAqparat tilshisi.

«Alakólge qatynýshylardyń kóptigin eskerip, bıyl Úrjar-Almaty, Úrjar-Óskemen baǵytyndaǵy áýe reısteriniń sýbsıdııasyn ulǵaıttyq. Semeı áýejaıynyń ushý-qoný jolaǵyn jóndeý jumystary bıyl aıaqtalady. Óskemen áýejaıyn tolyqtaı halyqaralyq deńgeıge shyǵarý qajet. Óıtkeni elimizde tranzıttik reısterdiń sany artyp keledi. Byltyr Qazaqstan aýmaǵyna 600 myń adam tranzıttik reıspen kirgen. Óskemenniń Qytaıǵa jaqyn turǵanyn eskersek, bul tusta da úlken múmkindik bar. Álemniń basqa týrısteri ushaqtan túsken jerinde orta eseppen bir dollar qaldyratyn bolsa, árbir qytaılyq 2-3 dollar qaldyrady eken. Bul qalada servıstiń damýyna sebepker bolady, - dedi J.Qasymbek.