ShQO-da ishimdik ishken 44 jasóspirimniń ata-anasy jaýapqa tartyldy
ShQO Polıtsııa departamenti baspasóz qyzmetiniń málimetine súıensek, óńir aýmaǵynda 13-19 qyrkúıek aralyǵynda «Jasóspirim» jedel aldyn alý sharasy júrgizildi. Mundaǵy maqsat – kámelettik jasqa tolmaǵandardyń alkogol, esirtki jáne psıhotropty zattardy tutyný faktisin anyqtaý, jasóspirimder arasyndaǵy qylmystyń aldyn alý.
«Jeti kún ishinde túngi ýaqytta kóshe kezip júrgen kámeletke tolmaǵan 640 bala anyqtaldy. Ákimshilik quqyq buzýshylyq jasaǵany úshin polıtsııa bólimshesine 736 jasóspirim jetkizilgen. Bala tárbıesi boıynsha mindetin oryndamaǵan 54 ata-ana jaýapqa tartyldy. Sondaı-aq alkogoldi ishimdik ishken kámelettik jasqa tolmaǵan 44 balanyń zańdy ókilderine aıyppul salyndy», - dep habarlady vedomstvo ókilderi.
Budan bólek, shara barysynda qaraýsyz jáne panasyz qalǵan 54 bala kámeletke tolmaǵandardy beıimdeý ortalyqtaryna ornalastyryldy.