ShQO-da iri kólemde para alǵan aýdan ákiminiń orynbasary túrmege qamaldy
ÓSKEMEN. QazAqparat – Shyǵys Qazaqstan oblysy Glýbokoe aýdany ákiminiń orynbasary iri kólemde para alǵany úshin 3 jylǵa bas bostandyǵynan aıyryldy, dep habarlaıdy QazAqparat tilshisi.
Glýbokoe aýdandyq soty baspasóz qyzmetiniń málimetine súıensek, 2020 jyldyń qazan aıynan 2021 jyldyń sáýirine deıin aýdan ákiminiń orynbasary bolyp qyzmet etken aıyptalýshyǵa qatysty QR Qylmystyq Kodeksiniń 366-baby 2-bóligine sáıkes (iri kólemde para alý) is qaraldy.
«K. esimdi azamat JShS-lardyń birinen joldardy tazalaý jáne kútip ustaý jumystaryna, sondaı-aq aýyldaǵy tótenshe jaǵdaıdy joıýǵa aýdandyq bıýdjetten aqsha bólgizip bergeni úshin 400 000 teńge kóleminde para alǵan. Sottalýshy qarajatty alyp jatqan jerinen ustaldy», - delingen aqparatta.
Sot úkimimen aıyptalýshy 3 jylǵa bas bostandyǵynan aıyryldy. Sonymen qatar ol memlekettik qyzmette jumys isteý quqyǵyn ómir boıyna joǵaltty.
Úkim áli zańdy kúshine engen joq.
