ShQO-da iri kásiporyndar shtattyq rejımde jumys istep tur
ShQO Aqparat ortalyǵynyń málimetine súıensek, búginde óńirdegi iri kásiporyndar shtattyq rejımde óz jumystaryn jalǵastyrýda. «Kaztsınk» JShS atqarýshy dırektory Andreı Lazerevtyń aıtýynsha, óndiris orny eldegi jappaı tártipsizdikke qaramastan óz jumysyn toqtatqan emes.
«Barlyq nysandar jumys istep tur. Qyzmetkerler jumys ornyna qoǵamdyq kólikpen jetýde. Olar óz jumystaryn esh kedergisiz jalǵastyryp jatyr. Túngi aýysymdaǵy qyzmetkerlerdi ózimizdiń qyzmettik kóliktermen tasymaldaýdamyz», - dedi ol.
Tótenshe jaǵdaı jáne terrorızmge qarsy operatsııalar kezinde «ÝK TMK» AQ eńbek ujymy shtattyq rejımde óz jumysyn atqarýda. Kompanııa prezıdenti Ásem Mamytova barlyq óndiristik josparlar júzege asyrylyp jatqandyǵyn jáne ónimderdi shyǵarý kestege sáıkes ekendigin aıtty.
«Birinshi kezekte men qaza tapqan barlyq áskerı qyzmetkerler men el turǵyndarynyń otbasylaryna qaıǵyryp kóńil aıtamyn. Sonymen qatar zańdy saqtaǵan halyqqa alǵysymdy bildirgim keledi. Qarýly kúshterdiń kásibıligi jáne qyzmettik mindetterine tanytqan adaldyqtarynyń arqasynda memleketimizdiń qaýipsizdigi qamtamasyz etildi», – dedi Á.Mamytova.
