ShQO-da ınvestorǵa jer zańsyz berilmeı kelgen — prokýratýra

ÓSKEMEN. KAZINFORM — Shyǵys Qazaqstan oblysynyń prokýratýrasy jer ala almaı kelgen ınvestordyń quqyǵyn qorǵady.

Óńirde maral, iri jáne usaq mal ósirý boıynsha ınvestıtsııalyq jobany júzege asyryp jatqan «ALMAS UK» JShS-ǵa Aýyl sharýashylyǵy mınıstrligi Jer resýrstaryn basqarý komıteti jer telimderin berýden bas tartqan. Osylaısha, jer zańnamasynyń normalary buzylǵan.

— Investor jer ýchaskesin jalǵa berýdi suraǵan. Alaıda komıtet ótinishti «jerdi menshikke alý» dep qate qarap, aýyl sharýashylyǵy maqsatyndaǵy jerdi berýden bas tartty. Prokýratýranyń qadaǵalaý aktisi boıynsha kásipkerdiń quqyǵy qalpyna keltirilip, ınvestorǵa 3,2 myń gektar jer ýchaskeleri jalǵa berildi, — dep habarlady ShQO prokýratýrasynyń baspasóz qyzmetinen.

Bul oǵan oblysqa 500 mln teńgeden astam ınvestıtsııa salyp, 30-dan astam jańa jumys ornyn ashýǵa múmkindik beredi.

Eske salsaq, osyǵan deıin ShQO-da ekologııalyq zańnamany buzǵan qytaılyq kompanııaǵa 1 mlrd teńge aıyppul salynǵany habarlanǵan.