ShQO-da ınternet-alaıaqtyq eki esege ósken
«Alaıaqtar kóp jaǵdaıda joǵary tehnologııalardy qoldanady. Mundaı jaǵdaıda qylmyskerlerdi ustaý ońaıǵa túspeıdi. Sebebi, ınternettiń shekarasy joq. Alaıaqtardyń isteriniń aıasy búkil Qazaqstandy alyp jatyr», - dep habarlaıdy oblystyq polıtsııa departamentinen.
Osy maqsatta polıtsııa departamenti aqparattyq tehnologııalardy meńgergen arnaıy jumys tobyn quryp otyr. Jedel-tergeý tobynyń negizgi mindeti - atalǵan sanattaǵy qylmystyq isterdi ashý bolyp tabylady.
Máselen, oblystyń eki turǵyny alaıaqtyqtyń qurbany bolǵan. Eki jaǵdaıda da turǵyndar ınternet arqyly kólik saımandary satylatynyn kórip, aýyzsha kelisim arqyly tólemdi termınal arqyly aýdarǵan. Keıin habarlaspaı ketken álgi adamnyń Almaty qalasynda turatyny anyqtalǵan.
Aqpan aıynda ǵana alaıaqtyqtyń 14 faktisi boıynsha 7 adam ustalǵan. Ustalǵandar Qaraǵandy, Pavlodar, Aqmola, Almaty oblystary men Astana qalasynyń turǵyndary bolyp shyqqan. Tanymal ınternet-saıttar arqyly olar jábilenýshilerdiń aqshasyna ıe bolǵan.
Polıtsııa áleýmettik jelidegi kúdikti kelisimderden saq bolýǵa shaqyrady.
