ShQO-da ıis tıgen eki bala kóz jumdy
ÓSKEMEN. QazAqparat – Shyǵys Qazaqstan oblysynda Glýbokoe aýdanynda ıis tıgen eki bala kóz jumdy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, qaıǵyly oqıǵa Sekısovka aýylynda oryn aldy. 2005 jáne 2013 jylǵy eki qyz apaıynyń úıinde bolǵan. Aýa-raıynyń qolaısyzdyǵyna baılanysty sol úıde qonǵan olar pesh jaǵyp, jatar kezde tútindiktiń japqyshyn ashýdy umytyp ketti.
«Tańerteń analary qyzdaryn es-tússiz kúıde taýyp, birden jedel járdem shaqyrǵan. Dárigerler balalardy teksergende ekeýiniń mert bolǵanyna kóz jetkizdi», - dep habarlady vedomstvo ókilderi.
Mamandar bolǵan jaǵdaıdyń sebebi – pesh tútindigi japqyshynyń jabylyp qalýynan degen nusqany qarastyrýda.
