ShQO-da ıis tıgen áıel men onyń 4 balasy aýrýhanaǵa jetkizildi
ÓSKEMEN. QazAqparat – Óskemende tazalanbaǵan murja saldarynan áıel adam men onyń 4 balasyna ıis tıgen, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine sensek, oqıǵa Avıatsıonnyı kóshesindegi jer úıde boldy.
Tańerteń oıanǵan áıel men balalardyń basy aınalǵan. Túske qaraı olardyń jaǵdaıy kúrt nasharlaǵan soń jádel járdemge qońyraý shalady.
«Oblystyq balalar aýrýhanasyna 2018, 2015, 2013 jáne 2006 jyly týǵan balalar, al №1 qalalyq aýrýhanaǵa 1994 jylǵy áıel jetkizildi. Qazirgi ýaqytta olardyń hali jaqsardy», - dep habarlady vedomstvo ókilderi.
Osy rette departament óńir jurtshylyǵyna órt qaýipsizdigi talaptaryn saqtap, barynsha abaı bolý kerektigin eskertedi.
Murjanyń ýaqytyly tazartylmaýynan kóp jaǵdaıda turǵyndarǵa ıis tıip jatatyndyǵyn umytpaǵan jón.
