ShQO-da ıis tıgen ana men bala kóz jumdy
ÓSKEMEN. QazAqparat – Shyǵys Qazaqstan oblysy Aıagóz qalasynda ıis tıgen 32 jastaǵy áıel men onyń balasy mert boldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 19 qańtarda saǵat 09:30-da Aıagóz qalasynyń Serǵazın kóshesindegi jeke turǵyn úıde 4 adamǵa ıis tıgen. Áıel adam birden sol jerde kóz jumdy. Al onyń 3 balasy aýrýhanaǵa jetkizilgen.
«Biraz ýaqyttan keıin 2008 jyly týǵan ul aýrýhanada jan tapsyrdy. Al 2013 jáne 2015 jylǵy eki bala áli aýrýhanada jatyr», - dep habarlady vedomstvo ókilderi.
Oqıǵa ornynda TJD mamandary jumys isteýde. Aldyn ala málimet boıynsha jazataıym oqıǵanyń sebebi – pesh murjasynyń ýaqtyly tazalanbaýynan bolýy múmkin.
