ShQO-da hırýrgtar naýqastyń ótinen bir ýys tas aldy
ShQO Densaýlyq saqtaý basqarmasy baspasóz qyzmetiniń málimetine súıensek, oblystyq aýrýhanaǵa 56 jastaǵy naýqas túsken.
Belgili bolǵandaı, onyń ótinde tas paıda bolǵanyna 6 jyldan asty. Osy jyldar boıy ol konservatıvti túrde emdelip, aýyrsynýdy basatyn dárilerdi iship kelgen. Tekserý nátıjesinde áıeldiń ót qaby qatty tartylyp, tasqa tolyp ketkeni anyqtaldy.
Dárigerler shuǵyl operatsııa jasaý týraly sheshim qabyldaǵan. Naýqasqa laparoskopııalyq holetsıstektomııa jasaldy.
Operatsııa barysynda mıkroskopııalyq beınekamera arqyly patsıenttiń óti ishindegi tastarymen birge alynyp tastaldy. Ótten bir ýys tas shyqqan.
«Naýqastyń joly boldy deýge bolady. Sebebi tastar jalpy ót jolyna túsip úlgermegen. Bul jaǵdaıda onyń jaǵdaıy áldeqaıda aýyr bolar edi», - deıdi hırýrg Dáýlet Esimjomartov.