ShQO-da halyqtan sút qabyldaý kólemi 10 esege artqan

ÓSKEMEN. QazAqparat - Oblys turǵynynyń saýalyna jaýp begen Danıal Ahmetov 2015 jyldan beri halyqtan sút qabyldaý kólemi 9,8 esege artqanyn aıtty, dep habarlaıdy QazAqparat tilshisi.

2015 jyly aýyl halqynan 3,7 myń tonna sút jınalsa, bıyl bul kórsetkish 36,2 myń tonnaǵa jetken.

Tórt jylda 37 taýarly-sút fermasy iske qosylǵan jáne qaıta qurylǵan. Sondaı-aq, 55 sút qabyldaý pýnkti qurylyp otyr. Osynyń arqasynda óńirdegi sút zaýyttarynyń júktemesi 29%-dan 75%-ǵa deıin ósken.

«Mysaly, «Emıl»kompanııasy óndiristik qýatyn 36 myń tonnadan 56 myńǵa kóbeıtý úshin qaıta jaraqtaýǵa kóshti. Sútti mal sharýashylyǵyn ári qaraı da damyta beremiz. Ol qysqa ýaqytta óz jemisin berip jatyr» - dedi Danıal Ahmetov.