ShQO-da halyqaralyq izdeýde júrgen 18 jastaǵy jigit qolǵa tústi
Oblystyq Polıtsııa departamenti baspasóz qyzmetiniń málimetine súıensek, osy jyldyń 25 mamyrynda Altaı aýdandyq polıtsııa bólimine probatsııa qyzmetinen jasyrynyp júrgen 18 jastaǵy qylmyskerge izdeý jarııalaý týraly qaýly shyǵaryldy.
«Oǵan 2022 jyldyń basynda qylmys jasaǵany úshin ShQO №1 kámeletke tolmaǵandardyń isteri jónindegi mamandandyrylǵan aýdanaralyq sotymen bas bostandyǵyn shekteý jazasy taǵaıyndalǵan. Alaıda jas jigit turǵylyqty mekenjaıynda únemi bolmaı, probatsııalyq baqylaýdan qasaqana jasyryndy. Soǵan baılanysty Altaı turǵynyna memleketaralyq izdeý jarııalaý týraly sheshim qabyldandy», - delingen aqparatta.
Er adam izdeýde bolǵan ýaqyt ishinde birqatar qylmys jasaǵan. Atap aıtqanda, aqsha men uıaly telefondardy urlap, ózgeniń kóligin aıdap ketti.
«Jedel-izdestirý sharalaryn júrgizý kezinde aýdandyq PB krımınaldyq polıtsııa bólimshesiniń aǵa jedel ýákili Aıbek Túsiphanov Altaı qalasyndaǵy Hamır ózeniniń jaǵasynda jasyrynyp júrgen qylmyskerdi ustady. Qazirgi ýaqytta ol ýaqytsha ustaý ızolıatoryna qamaýǵa alynǵan. Oǵan qatysty QR QK-niń 190-baby (alaıaqtyq), 188-baby (urlyq) jáne 200-baby (kólikti aıdap ketý) boıynsha sotqa deıingi tergeý amaldary júrgizilýde», - delingen habarlamada.