ShQO-da halyqaralyq búrkitshiler saıysy ótedi

ÓSKEMEN. QazAqparat – Shyǵys Qazaqstan oblysy Ulan aýdanynda ótetin «Shyǵys salburyny-2022» saıysyna bes elden 30 búrkitshi qatyspaq, dep habarlaıdy QazAqparat tilshisi.

«Shyǵys salburyny-2022» saıysy Ulan aýdany Bozanbaı aýylynda ótedi. Onda qatysýshylar búrkit ushyryp, ıt júgirtip, asaý úıretip, jarysqa túspek.

«Ulttyq sport dodasyna Qazaqstan, Mońǵolııa Halyq Respýblıkasy, Qyrǵyzstan, Vengrııa jáne Reseıden 30 búrkitshi qatysady. Budan bólek, 35 qazaqy qumaı tazy saıysqa túsedi. Itter bir shaqyrymǵa júgirip jarysady», - dep habarlady aýdan ákimdiginen.

Saıys 8 qarasha kúni ótedi. Sebebi sol kúni Shyǵys Qazaqstan oblysynda qar jaýady dep kútilýde. Qansonarda ań izi anyq kórinedi.