ShQO-da halyqaralyq «Álem Barysy» týrnırine irikteý bastaldy
Besqaraǵaı aýdanyndaǵy ortalyq stadıonǵa elimizdiń 14 oblysynan 40 palýan jınaldy. Olardyń qatarynda eń úzdik «Qazaqstan Barysy» ataǵynyń ıegerleri Aıbek Nuǵymarov, Muhıt Tursynov, Beıbit Ystybaev jáne taǵy basqalary bar.
Chempıonattyń ashylý saltanaty «Batamenen el kógerer» atty teatrlandyrylǵan qoıylymmen bastalyp, úsh bólimnen: «EKSPO-2017», «Sport», jáne «Bir shańyraq astynda» turatyn jastardyń fleshmobymen jalǵasyn tapty. Búgin qazaq kúresi boıynsha negizgi jarystar ótedi.
Qazaqstan Respýblıkasy Prezıdentiniń «Týǵan jer» baǵdarlamasynyń baǵyttaryn júzege asyrý aıasynda aýdan metsenattary, sport qaıratkerleri men ardagerleri atalǵan sharany ótkizý bastamasyn qolǵa aldy. Osylaısha olar talanttar men bolashaq sport chempıondaryn anyqtaýǵa úles qosýda. Bul sondaı-aq, bıznestiń áleýmettik jaýapkershiligi men Otanǵa degen qoldaý bolyp tabylady.
«Ulttyq sporttyń erekshe túri - «qazaq kúresin» ótkizýdiń ózi Prezıdent maqalasynda aıtylǵan «Rýhanı jańǵyrý» baǵdarlamasyn júzege asyryp, óskeleń urpaqtyń boıynda patrıottyq rýh qalyptastyrýda mańyzdy rolge ıe», deıdi óńirdiń aqparattyq ortalyǵy.
