ShQO-da ishimdikten bas tartqan aýyldar sany 25-ke jetti

ÓSKEMEN. KAZINFORM — Shyǵys Qazaqstan oblysynda 25 aýyl halqy ishimdikten túbegeıli bas tartty.

Altaı aýdanyndaǵy Seleznevka eldi mekeniniń turǵyndary alkogol ónimderin satýdan jáne tutynýdan bas tartý týraly sheshim qabyldady. 

Bul bastamany kásipkerler de qoldaǵan. Olar aýyldastarynyń usynysymen kelisip, spırtti ishimdikterdi satýdy óz erikterimen toqtatty.

Turǵyndardyń aıtýynsha, negizgi maqsat — qoǵamdyq tártipti nyǵaıtý jáne turmystyq janjaldy azaıtý. 

— Shyǵys Qazaqstan oblysynda 2025 jyly «Іshimdiksiz aýyl» bastamasyn qoldaǵan 21 aýyl bolsa, bıyl olardyń sany 25-ke deıin jetti. Qazirdiń ózinde osy aýyldarda áleýmettik jaǵdaıdyń jaqsarǵany jáne quqyq buzýshylyqtar sanynyń azaıǵany baıqalyp otyr, — dep habarlady ShQO polıtsııa departamentiniń baspasóz qyzmetinen.

Eske salsaq, osyǵan deıin Aqtóbe oblysynda 40 aýyl ishimdikten bas tartqany habarlanǵan.