ShQO-da halyq emshisinen shıpa izdegen zeınetker arbaǵa tańyldy

ÓSKEMEN. KAZINFORM – Shyǵys Qazaqstan oblysynda emshige júgingen qarııa omyrtqasyna ekpe saldyrtyp, sal bolyp qaldy. 

65 jastaǵy adam aýyr jaǵdaıda oblystyq mamandandyrylǵan medıtsınalyq ortalyqqa jetkizilgen. 

– Naýqas bizge túskende esinde aýytqýshylyq pen menıngıttiń belgileri baıqaldy. Belgili bolǵandaı, ol shamamen 20 kún boıy dástúrli emes medıtsına ókilderinen em alyp, omyrtqasyna ekpe saldyrǵan, - dep habarlady medıtsınalyq ortalyqtan. 

Zertteýler men mamandardyń keńesinen keıin omyrtqa osteomıelıtiniń asqynǵan túri, aýyr ekinshilik menıngıt dıagnozy qoıyldy.

– Ortalyq mamandary ıntensıvti terapııa júrgizip, zamanaýı dıagnostıkalyq ádisterdi qoldandy. Nátıjesinde naýqas esin jıyp, qalpyna keldi. Alaıda medıtsınalyq kómekke kesh júgingennen keıin aıaǵy sal bolyp, jambas aǵzalary qyzmetiniń buzylýyna ákelip soqty, - delingen aqparatta.

Eske salsaq, buǵan deıin Jambyl oblysynda medıtsına qyzmetkerine til tıgizgen er adamǵa aıyppul salynǵany habarlanǵan. 

Botakóz Kenjehanqyzy