ShQO-da Grýzııaǵa bet alǵan júk kóligi jyraǵa qulap ketti
ÓSKEMEN. QazAqparat – Shyǵys Qazaqstan oblysynyń polıtseıleri grýzııalyq júrgizýshige kómek kórsetti, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 9 aqpanda saǵat 10:30 shamasynda polıtsııa aǵa leıtenanttary Suńǵat Jaılybaev pen Meıir Tynybaev «Óskemen-Semeı» tasjolynyń 17-shi shaqyrymynda jyraǵa qulap ketken «DAF» júk kóligin baıqaǵan. Anyqtalǵandaı, kólik tizgininde 27 jastaǵy Grýzııa azamaty bolǵan.
«Tártip saqshylary sheteldikke birden kómek kórsetti. Grýzııaǵa bet alǵan er adam saparyn ary qaraı jalǵastyrdy. Ol polıtsııa qyzmetkerlerine úlken alǵysyn bildirdi», - dep habarlady vedomstvo ókilderi.
Aıta keteıik, osy jyldyń qańtar aıynan beri patrýldik polıtseıler óńir joldarynda qandaı da bir qıyndyqqa tap bolǵan adamdarǵa 127 ret kómek kórsetti.
